ЗА трамваі

беларусы апошнім часам узяліся нішчыць электратранспарт.
У Менску цішком зьнялі тралейбусныя драты з праспэкту - заміналі, відаць, асфальт класьці...
Зьліквідаванае 1-е тралейбуснае дэпо.
Неўзабаве чарговы аўтобус "высокай культуры абслужыванія" заменіць усе тралейбусныя лініі на Паркавай магістралі.

У Віцебску зьбіраюцца абрэзаць даўжэзную лінію ў Журжава па Гагарына.

Прычына - замінаюць машынам, тармазяць прагрэс.

Вось і на форуме Байтрансу Дедушка піша, што трамваі ды тралейбусы ў менскім выглядзе ня маюць будычыні.

Пасьля Прагі такія разважаньні выклікаюць у мяне дзікі рогат. У пражскім, бач ты, выглядзе, трамваі будучыню маюць, а ў менскім - не. Пры тым, што вуліцы ў Празе куды вузейшыя. І ведаеце - туды, дзе машынам цесна, іх проста не пускаюць. Ходзяць адныя трамваі і людзі.
Ды што нам нечы досьвед.
Мы нацыя мэґапраектаў.
Даёш сотку ад 9км да Шчомысьліцы!

пра-прагу

у гатэлі кран цячэ прага паліць і пячэ што сказаць табе яшчэ пра прагу
прагай спражаны турыст прага ўверх і прага ўніз між піўніц і камяніц засада
прага пахне бы грыбы з-пад травы ды крапівы пачарнелыя муры й трамваі
Шмат вялізных лахматых вясёлых сабак. Без напысьнікаў, ясны перац. Малых сабак мала. Ката ня бачыў ніводнага. На фотцы сабачка ў жыжкаўскай піцэрыі дакорліва паглядае на кліента, які жуе сваю піцу. Былі б у сабачкі грошыкі, ён бы і сабе замовіў.
На раме майго першага горніка было напісана rockmachine.cz. З гэтага я, чамусьці, зрабіў выснову, што ў Чэхіі раварыны рай. Мяне напаткаў жорсткі аблом. У Празе шалёны трафік, вузкія вуліцы і мінімалістычныя ходнікі. Бедныя раварысты мечуцца, як пячкурыкі.
Процьма маскалёў. Адная руская ў падземнай газэтна-прадуктовай крамцы мне расказала, што ў чэхаў усе словы рускія, толькі яны могуць іх спэцыяльна так скрывіць каб рускія нічога не зразумелі. Кітайцы трымаюць крамы з назвай «Вячорка». Гэтыя зусім з космасу. Разумеюць толькі жэсты ды міміку. Чэхі, відаць займаюцца інтэлектуальнай працай, пакуль дзеці глябалізму прадаюць турыстам чэскія сувэніры.
Піва аказалася ня так і шмат, як здавалася, і не такім танным, як думалася. Прыехаў у Менск, адразу купіў пакаштаваць Велькапаповіцкага Казла расейскага разьліву. Стопрацэнтная дурылка. Затое на вуліцы зь півам можа глядзець футбол проста седзячы на бруку. І ніякі мэр цябе ня возьме.
Старога ў Празе столькі, што губляеш надзею ўсё гэта калі-небудзь агледзець. Нават лянотна даставаць фоцік. Карлавы мост нагадаў суботія Ждановічы. Днём лепш пасядзець у піўніцы, а бадзяцца па Празе ўначы.
Вычварэнцы могуць пашукаць прыгодаў і ў начным індастрыяле. Балазе, усё побач Самае месца для рэклямы Mano Chao. А рэкляму Placebo я пабачыў надта позна. Усе ведалі, апроч мяне. Ат...
Багата ў якіх будынках верхняя частка большая за ніжнюю. У сярэдзіне Прагі стаіць тэлевежа, якая нагадвае дзьве шэрыя сасіскі.Па Празе праходзіць міжнародная магістраль. Ідзе яна якраз каля галоўнага чыгуначнага вакзалу. Людзі адтуль, відаць, адразу спускаюцца ў мэтро. Бо я іх там ня бачыў.
Яшчэ ў Празе аўтамабільныя ды чыгуначныя масты часам ідуць або пад вокнамі апошніх паверхаў дамоў, або проста над дахамі цэлых кварталаў.
Чэхаў я амаль ня бачыў. Я неяк прайшоў цэлы агромністы квартал хвілін на дваццаць ходу шасьціпалоснай дарогі і не сустрэў ніводнага чалавека. Мо не па тых вуліцах хадзіў?
Думаў, што ведаючы пяць славянскіх моў буду ў чэхіі як дома. Памыліўся. Чэская мова вельмі наравістая. Але я такі знайшоў колькі родных сэрцу назоўнікаў.
...прыметнікаў (карцінку давядзецца павялічыць)
...ды незарэгіставаных сымбаляў
Ляцеў з Прагі гадзіну і дваццаць хвілін. Столькі ж чакаў маршруткі на Менск. Кемлівыя бабкі адразу склалі сьпіс чаргі на ўседзіны. У самалёце ж месцаў трошку болей, чымся ў маршрутцы. Агаломшаных гасьцей Менскага раёну даволі ўмела апрацавалі таксісты. Тутэйшыя праявілі цярпеньне і стойкасьць.
Ад няма чаго рабіць пабадзяўся па аэрапорце. Ня проста пуста, а ідэальна пуста.
Аддацць пад паркінг? А што - ідэя!

Славенскі прэзыдэнт Янэз Дрноўшэк захварэў

Słowenia: Prezydent Drnowszek upadł podczas uroczystości

Słowenia: Prezydent Drnowszek upadł podczas uroczystości


PAP 24-06-2006, ostatnia aktualizacja 24-06-2006 23:11

Prezydent Słowenii Janez Drnowszek upadł w sobotę wieczorem podczas oficjalnej uroczystości w Lublanie i został zabrany przez karetkę pogotowia. Na razie nie ma oficjalnych wiadomości na temat stanu jego zdrowia.

56-letni Drnowszek chorował na raka i w 1999 roku przeszedł operację usunięcia zajetej przez nowotwór nerki. W ubiegłym roku poinformował, że w 2001 roku lekarze stwierdzili u niego przerzuty w płucach i wątrobie. Powiedział wtedy, że zrezygnował z zaleconej kuracji medycznej i zamiast niej zdecydował się na przejście na zdrowy tryb życia i zdrową dietę.

Drnowszek jest prezydentem od 2002 roku. Przez poprzednie 11 lat, od rozpadu dawnej Jugosławii latem 1991 roku, pełnił funkcję premiera Słowenii.

❏

Янэз Дрноўшэк - самы папулярны палітык Славеніі, ад пачатку незалежнасьці да гэтых часоў. Назваць яго славенскім "бацькам" неяк язык не паварочваецца, але ўвесь час згадваю, што стартавалі мы разам - у 1991, найзаможнейшая ў СССР Беларусь і найзаможнейшая ў СРЮ Славенія.

Стартавалі, што праўда, рознымі дарогамі. Час паказаў, якая прасьцейшая. Мы ўсё топчамся ды аглядаемся, а Славенія з Новага году пераходзіць на эўра.

Ці хутка Эўропа дачакаецца новай краіны талераў?

Тарасюк

Здаваў неяк Тарасюк іспыт: ведаў ня ўсё, але ж нешта ведаў. Але што ні казаў, Тарасюк адно загадкава паўтарала: ну хіба тры...
Калі я выдахся і адчаіўся, сказаў: мо мне прыйсьці заўтра на пераздачу?
- Ну, хіба прыходзьце...
Назаўтра паўтарылася тое самае. Што б я ні казаў - адно і тое:
- Ну, хіба, тры...
- Ну, хіба, тры...
- Ну, хіба, тры...
І гэтак паўтараючы напісала яна мне нешта ў залікоўку, закрыла, аддала...
Выйшаў я ніякі з тае аўдыторыі, бо тое "хіба тры" зусім ня ўпісвалася ў маю статыстыку пасьпявальнасьці.
Адгарнуў нарэшце - гляджу- "добра".

Такое ж неразуменьне ў мяне было яшчэ пасьля кіна "Малхоланд драйв".

Гэта была апошняя мая сустрэча з Тарасюк, разумнай і загадкавай кабетай. Даўно была. Такія нішавыя людзі і складаюць сэнс слова "філфак".

Дык вось, Тарасюк днямі памерла, кажуць.

гзымс ды аловак выйшлі з ужытку

сёньня гартаў у кнігарні новы руска-беларускі слоўнік за 8860р. булыкі і яшчэ некага на П.
руска-беларускія слоўнікі я правяраю на паршывасьць вельмі проста - словамі карниз ды карандаш.
у перакладзе карніза мусіць быць варыянт гзымс, у перакладзе карандаша мусіць быць варыянт аловак і ня быць варыянту карандаш.
дык вось гэты слоўнік пераўзышоў усе мае чаканьні - словаў карниз ды карандаш там проста не было.

яны ўжо пасьпелі выйсьці з ужытку?

перагартаў усе астатнія слоўнікі, большая частка зь якіх выявілася скарочанымі варыяцыямі тых жа аўтараў разам і паасобку, трэба аддаць ім належнае - шуканых слоў там пасьлядоўна не было.

адзіная кніжка з словам гзымс была У.Куліковіча за 2004 год. Але яна была апошняя ў краме.

мыючы віны

PROMT-online пераклаў фразу "моя вина" washing wines.
от шкоднікі...

ушчыкніця мяне

учэрась прэваёўваў да паўтрэцяй начы славеншчыну, паставіў прымач на будзік - думаю, як заўсягды ўзраве алесяярмоленчыха - і сон як рукой. Аджа ўжо паўгадзіны не даю веры, што прачнуўся - Крама, НРМ, белмоўны ДЖыморс, потым - нейкпія дэміракўаіпадобныя палякі хвіляў на дваццаць. такога не бывае на нашым радыі, ну праўда ж?

цяпер галоўнае не заснуць за стырном. аўтамабілісты-vozniki, яны такія безабаронныя...

люблю славеншчыну

якая яшчэ мова можа даваць столькі кайфу пры перакладзе:
Каваньне, прэсаваньне, штампоўка і прафіляваньне
Kovanje, stiskanje, vtiskovanje in valjanje
(каванье, стісканье, утіскованье ін вальянье)

выкарыстоўваюць свае моўныя рэсурсы напоўніцу.
у нас жа гэта завецца страшным словам "пурызм" і ўсяляк ганіцца.
лайдакі ды баязьліўцы.
мы.

шуміліна

рэальна самае страшнае і безгустоўнае мястэчка, у якім я быў.
шэрыя аблезлыя аднолькавыя квадраты.
бррр...

билингвизм

сымбаль рэальнага дзьвюхмоўя

маскалі

Вось такая рассылка прыходзіла да мяне яшчэ сёньня. Я думаў, яна пра ровары, бо завецца "Велосіпедізм".
Фіглі. Маскалі ня могуць, каб быў -ізм, а не было іперіалізму.
Слова з коранем "вело" шукаў у першай нататцы аж праз пошук - не знайшоў.

ровар дорыць пачуцьцё палёту

калі з-за чарады прыпаркаваных машын у тваім двары выбягае зь лёгкай дзіцячай імклівасьцю маленькая дзяўчынка-красунька.
красунька, пасьпяваеш адзначыць ты паралельна з інстынктыўным сьцісканьнем гамульцаў
ты як вецер, твая хутасьць - два мэтры ў сэкунду
утоплены ў асфальт люк ня дасьць сарвацца старту
палёт доўгі, бачыш ровар, бачыш асфальт, бачыш, што траекторыя красунькі ў бясьпецы
нясьпешліва пралічваеш зручныя варыянты прызямленьня, пераварочваешся на левы бок і прызямляешся ля ног срэбнавалосае прынцэскі.
ровар мякка апускаецца зьверху раскрытым парашутам.
уздымаеш вочы - уверсе стаіць напаўадвярнуўшыся прынцэса і зь вінавата-гульлівым выглядам грызе пальчык.
прыгажосьць...
глядзі асьцярожней, - кажаш ты ўвышыню да прынцэсы.
тая ўспырхівае й зьнікае пярэстым лёгкім матыльком.

едзеш за вугол аглядаць мадыфікацыі камплектацыі - сваёй і ровара.
пясок увушшу заўважаеш толькі на працы.