12.2.07

Creative Commons i Cryminaľny Codeks :)

Moda na ŭtačeńnie Creative Commons u sajty i blogi źbivaje mianie z pantalyku. Nakoľki ja razumieju, licenzija CC nia maje dačynieńnia da Bielarusi, a značyć CC na bielaruskim sajcie — heta ŭsiaho zaprašeńnie da zmovy, abo huľni ŭ aŭtarskija pravy, jakaja nijak nie pierasiakajecca ź justycyjaj našaj krajiny.

Heta huľnia paznavaľnaja i, ja b skazaŭ, karysnaja. Ja navat zhodny ŭ jaje huliacca. Adnak, mnie zdajecca, nia varta stavicca da hetaha surjozna.

Bielaruski zakon pra aŭtarskija pravy dazvaliaje pieradruk apublikavanych dlia ahuľnaha karystańnia materyjalaŭ z abaviazkovym paznačeńniem aŭtarstva i krynicy, što, u pryncypie, pierakryvaje patrabavańni CC (some rights reserved).

Razam z tym, pravaŭladaľnik takoha materyjalu moža piśmova zabaranić pieradruk, napryklad, jak Belapan ci Interfax.

Nakoľki ja razumieju, CC vymahaje pry pieradruku paznačać, što pieradruk zroblieny na padstavie CC. A karystaľnik moža tearetyčna vystavić spasylańnie na CC jak umovu pieradruku. I voś tut cikavaje pytańnie, ci nia budzie spasylańnie abo patrabavańnie spasylańnia na jurydyčny zvod (pravily, normy) niebielaruskaha pachodžańnia, faktyčna pryznańnie faktu dziejańnia pavodlie čužoha zakanadaŭstva abo patrabavańnie dziejańnia pavodlie čužoha zakanadaŭstva parušeńniem zakanadaŭstva bielaruskaha?

No comments: