самалячэньне

комп стаў проста як паненачка.
гудзіць, гудзіць і , ах!, бух — у непрытомнасьць!
і як дзевачка манернічае, ня хоча завадзіцца.

дай, думаю, пагляджу, што людзі абазнаныя кажуць, зь якога там боку па ім паляпаць, мо сашчэпку куды ўсунуць, ці олівам пырснуць, ажнэ гляджу — такая гэта зараза, што аж няведама, куды ёдам капаць.

дык вось, азначаныя сымптомы могуць быць спавадаваныя:

• батарэйкай на мацярынскай плаце (трэба замяніць батарэйку, мамачкі, там ёсьць батарэйка?!)
• слабым блёкам сілкаваньня (трэба замяніць блёк сілкаваньня)
• памяцьцю (трэба памяняць памяць)
• сідзішнікам (трэба памяняць сідзішнік)
• старым біясам (трэба знайсьці новы й паставіць, увага, няправільная ўстаноўка можа… ой, мамачкі, біяс гэта страшная штуковіна перад ўіндаўсам? ой, мамачкі!)
• кнопкай уключэньня (а што ты зь ёй зробіш?)
• фіговым кулерам (ну не, там у мяне нармальная тэмпэратура хворага чалавека)
• халадзільнікам (трэба купіць стабілізатар)
• мацярынскай платай (трэба мяняць мацярынскую плату)
• уключаным рэжымам спаньня (трэба адключыць і знайсьці файл гібернэйт.сыс і выдаліць яго)
• кулерам, які накручвае там нейкія элекатраняведаюякія палі (прынесьці шаманскі бубен)
• ціві-цюнерам (выкінуць ціві-цюнэр)
• гукавой картай (трэба памяняць гукавую карту)
• малой напругай на нечым там (трэба залезьці ў біяс, падняць напругу і схавацца ў бамбасховішчы)