4.3.11

dni, što jašče nie spaznali

Marek Grechuta - Dni, Których Jeszcze Nie Znamy, 
спроба перакладу

Столькі меў я дзён да апошніх сіл
Да апошніх слоў столькі меў хвілін

Не бядуй па тых, хто цябе забыў
Памятай адно, ведай толькі што

Тыя найлепшыя дні, што яшчэ не спазналі
Тыя найлепшыя хвілі, што не прычакалі

Нехта знаны быў, меў і дом, і сад,
Неяк страціў сэнс і жыцьцёвы лад
Хоць усё пайшло пылам, што нажыў,
гэта не бяды, — казаў ён сам сабе заўжды:

Тыя найлепшыя дні, што яшчэ не спазналі
Тыя найлепшыя хвілі, што не прычакалі

Як пазнаеш блізкіх, што чужымі сталі?
Як усьцішыш думкі, што апанавалі?
Як аддзеліш раптам розум свой ад сэрца?
Як пачуеш голас свой у гучным скерца?

Як пазнаеш блізкіх, што чужымі сталі?
Як усьцішыш думкі, што апанавалі?
Як спаткаеш раптам спадзяваньне й сьвята?
Ты шукай адказы, часу так (не) багата.

Тыя найлепшыя дні, што яшчэ не спазналі
Тыя найлепшыя хвілі, што не прычакалі

No comments: