31.1.13

ci liubliu ja miensk

Učora, brydučy z rovaram pa 2-m kaĺcy pa kaliena ŭ śniezie, čyščanym kaliści lietaś, a mo j lietašniaj zimoj, prydumaŭ adkaz na daŭniaje filiazafičnaje pytańnie, ci liubliu ja Miensk. Balazie akuliary byli zalieplieny spadniebnaj slatoj i vonkavyja razdražniaĺniki nie zaminali pracesu.

Miesta, prydumalasia mnie tady — heta nia sietka vulic i ansambli hmachaŭ. Miesta — heta staŭlieńnie da jaho mieścičaŭ.

Dyk voś mieścičam pliavać na Miesta. Žycharam — na padjezd i susiedziaŭ. Trymaĺnikam bielaruskich pašpartoŭ — na nazvu krajiny na vokladcy.

Adnojčy ja napisaŭ u rajonnuju administracyju — chodnik pačyścili da bliasku praz 3 dni — taksama adnojčy. Potym ja paprasiŭ panizić 2 bardziury na 1 prajeździe. Praz paŭhodu pierapiski bardziury panizili.

Niaciažka padličyć, koĺki b mnie spatrebilasia času, kab pierarabić usie kryva pakladzienyja bardziury i pačyścić usie chodniki stalicy z ulikam častotnaści śniehapadaŭ.

Tak što ja kinuŭ piśmova žalicca, bo zrazumieŭ, što prynamsi ŭ hetaj čvertcy Miensku ja adzin taki. Voś ža Miensk — jano duža j duža nieliubimaje Miesta.