19.12.15

Apošni moj kantakt z cyhankaj byŭ jašče kali 38-my aŭtobus chadziŭ na plošču Niezaliežnaści, jana mianie tady akurat spytalasia, dzie chodzić 38-my aŭtobus, i choć heta bylo samaje prostaje, što ja moh joj adkazać, ja nia zmoh, majo ščaście, što ja ŭśviadomiŭ, što nie mahu adkazać na pytańnie, adkaz na jakoje viedaju dakladna, bo štodnia ježdžu na hetym zadrypanym LiAZie-677, tamu i ŭratavaŭsia pad prakliony ŭ śpinu.

30.10.15

30.8.15

viačty zbyvajucca


У гонар 21-годзьдзя свайго менчукоўства ўпершыню зьезьдзіў роварам на Вячу.
Можа, гадоў праз 20 у якую опэру схаджу. Ці сылвэрскрын. Ці бурґеркінґ.

Менск, ґуд бай

Зацань, здароў

Тожэ дача

Нішто сабе дарога, на думку навігатара (прывет народным картам OSM)

Піраміда Сонца. Тэатыўакан, Мэксыка

Доўгая дарога ў дзюнах на Ашмянцы

Дэкарацыя да фільму The Langoliers

Вішнёўцы пашанцавала. А вось Дафарэнцыю з Бараўцамі разлучылі

Вішнёўскае возера. Адной Вячы ім мала

Нарэшце Вяча!

Вячты збываюцца!




Трэк на GPSies. Але там бездарожнае кукурузнае поле, не забыўся?

14.7.15

rojek

Kaliści ŭ Miensk zvaliŭsia asteroid. I nichto nie zaŭvažyŭ.

Nie, nia tak.

Kaliści ŭ Miensk pryjechaŭ hurt Myslovitz. U zmročny kliub Reaktar. Kvitok — za kapiejki. Huk — kaša. Alie na scenie byŭ dziadźka, jaki niejkim čynam pieratvaraŭ usio ŭ cud.

Boĺš takoha nie bylo. Navat z kancertu liubimych Placebo ja vychodziŭ z dumkaj, što pa škalie Myslovitza heta adsotkaŭ 40%.

I heta druhi hurt paślia Dire Straits, jaki ŭžyvuju hučyć dlia mianie cikaviej, čym u zapisu.

Z časam Artur Rojek zvaliŭ z Myslovitza. Jany znajšli jamu niejkuju nievyraznuju zamienu. A Rojek napisaŭ samuju zmročnuju kruželku za ŭsie časy i zabraŭ proćmu ŭznaharod za najliepšy aĺbom. I šče źniaŭ dva najšykoŭniejšyja klipy.

Dyk vo nachlynuli siońnia ŭspaminy, i daj, dumaju, pahliadžu jaki jahony kancert z apošniaha. I, viedaješ, usio, jak raniej… Da dryžykaŭ.




25.6.15

Аддайця!

Шматлітарны прымітыў на tut.by. 250 000 машын, бачыце, няма куды ставіць, трэба ім зрабіць стаянкі і паркінгі.

Гэта ўсяго толькі 600 паркінгаў, трэба іх проста раскідаць па горадзе. У нас жа поўна месца для бэтонных скрыняў. Парк Горкага, здаецца, яшчэ ня ўвесь забудавалі. Там акурат зьмесьціцца паркінгаў так 10 з 600. Парк Паркінгаў, прыгожа ж!

Ну, калі ня паркінгі, то стаянкі. Гэта крыху менш за 3 тысячы гектараў заасфальтаваць трэба, вам шкада?

Аддайце ім паўтара Савецкіх раёна, калі не даяце стаянак. Аддайця!

27.5.15

das experiment

Zachacieŭ pravieści eksperyment. Pieršy raz u žyćci prajechać pa chodniku Zalatahorskaj vulicy. Eksperyment z treskam pravaliŭsia, alie vyniki jość:

1. Zierni Onliner’a dali parastki. Siońnia naparoŭsia na aŭtavučycielia: padjechaŭ da pierachodu, spyniŭsia, toj spyniŭsia taksama pierad ziebraj, ja pajechaŭ, jon pačakaŭ — i pa hazach pierad nosam, tady adrazu zatarmaziŭ i pačaŭ pierakazvać palityku partyi. Zadavolieny performansam. Paŭtaracentneravy. Pasiarod darohi. Ścieražyciesia, karaciej, ‪#‎veloby‬.

2. Za adzin kvartal pa chodniku ad Kazlova da Čyrvanazornaj cudam acalieŭ dvojčy, bo čekisckija mašyny śpiašajucca ŭ baĺnicu, plius śliapy vyjezd z dvara, ź jakoha pavodlie PDR, jak viadoma, mašynam naliežyć vyliatać na maksymaĺnaj chutkaści.

Vysnova z eksperymentu prostaja: na vuzkich vulicach u centry ravaryst ruchajecca z chutkaściu patoku, a z takim piešachodnym trafikam, zaparkavanaściu, dasiahnieńniami bardziuryzacyi, biaśpiečny ruch pa chodnikach ravarystu niemahčymy.

10.4.15

raźvirusizmy

Chutka ŭ padručnikach pobač z nealiahizmami dy akazijanalizmami buduć raźvirusizmy. Maja «kolaŭtorkvalka», razbajanienaja ŭ facebook’u ŭsiaho praz paŭhodu paślia «pieršaje zhadki» pa-za maim rovarnym blogam, ciapier praliezla šče j va ŭkantaktaŭski public «Typovaja Bielaruś». Nu, to bo naklad 30 tysiač, kali kazać pa-oldskulaŭsku.

Uvohulie, viadoma, kali ja prydumliaŭ slova, to chacieŭ, kab źnikla źjava — vielaparkoŭka, antanimičnaja vielaparkoŭcy-jakoj-jana-musić-być, — niebiaśpiečnaja dlia rovara, symbaĺ razumovaha dy techničnaha ŭbostva dy lianoty ličyć na krok napierad, uvasoblieny ŭ šmatlikich formach i varyjacyjach.

Nu, alie spahliadać za źniknieńniem kolaŭtorkvalak pakuĺ što nie davodzicca, to choć pahliadžu, jak bielarusy-starynyniarušy bajanistykaj dy raźvirusaliohijaj niechaćki pijarać movatvorčaść.

A movatvorčaść ja liubliu navat boĺš jak praviĺnyja vielaparkoŭki.

7.2.15

zamiest spravazdačy pra adviedziny 25-hodździa liceju

a davaj davaj iznoŭku
na adziny viečar chaj
napaŭśpisanym aloŭkam
paŭkasety admataj

chaj skaŭtnie zžavanych notaŭ
źliža z stužki pylu sloj
i z cudoŭnaha dalioka
zasuhučnicca z taboj

dzie viasnoju sočyć nieba
j pliešča sonca ŭ tumanie
promni pa jakich šče treba
zaryjentavacca mnie

dzie ŭ spliacieńni serpantynaŭ
toĺki vietru šept pjanić
tam dzie ŭsio jašče mahčyma…
admataj i staparni.

a zhadzisia fajna zrešty

vyjšla i bylo b ciažej
biez zabytych tych darešty
darahich tabie liudziej

toĺki ŭ stužcy šmat minoru
šmat zaciortych hukaŭ sloŭ
nie čuvać u śpievie choru
najradniejšych halasoŭ

i tamu tak adzinoka
jak pryšeĺcu na Ziamli
što ž cudoŭnaje dalioka
apranajsia pabryli

2.1.15

ja chacieŭ by

Ja chacieŭ by, kab u 2015-m Svaboda, Racyja i Eŭraradyjo atrymali chvali na FM. Ja nia ŭpeŭnieny, što jany stali b liderami rejtynhaŭ, alie heta bylo b narmaĺna. Dy j navahodni «Bielsat» pakazaŭ, što jaho možna ŭkliučać u pakiety kabeĺnych aperataŭ biez anijakich zaściarohaŭ. Aficyjnyja bielaruskija kanaly mohuć dać jamu ŭroki jak cikavaści, tak i bielaruskaści.

Ja chacieŭ by, kab bielaruskija pradpryjemstvy kinuli zavaĺvać kramy raznaformiennymi anučami ŭ vyhliadzie bializny i vopratki. Nia možacie prydumać — dyk s…cie!

Ja chacieŭ by, kab abutkovyja fabryki navučylisia rabić abutak, jaki nia treskajecca, nie adkliejvajecca, nia moknie, i nie zdajecca pa harantyi praz dva tydni paślia pakupki. U mianie impartovy abutak, i ja ŭžo stamiŭsia jaho znošvać — samaj staroj pary ŭžo 10 hadoŭ, i chaliera jaje nie biare. Čamu bielarusam slabo rabić taki?

Ja chacieŭ by, kab praslaŭlienyja bielaruskija malakazavody navučylisia rabić śpiely syr. 12, 24 i 36 miesiacaŭ chacia b. Da hetaha času možacie raskazvać pra cudoŭnuju bielaruskuju maločku manholam.

Ja chacieŭ by, kab «Motaviela» zrabila rovar, ź jakoha b usie nie rahatali.

Ja chacieŭ by, kab sprastavali čyhunku da aeraportu. Nikomu nie padabajucca maršrutki dy aŭtobusy, alie nie durycie halavy: 1:10 — heta šliach da Prahi, a nie da aeraportu.

Ja chacieŭ by, kab u Miensku ŭ 2015 nie źjavilasia vulic kštaltu Kabuškina, Taškienckaj, Majakoŭskaha i Dziaržynskaha. Ja nie chacieŭ by novych vieladarožak, bo viedaju, što ŭ Miensku heta zvyčajna fejspalm i prafanacyja. Chaj prosta robiać bardziury z adnym uzroŭniem z prajeznaj častkaj, a daliej my sami.

Ja chacieŭ by, kab u 2015 naradziŭsia čalaviek, jaki zdymie oskaraŭski fiĺm based on «Kalasy pad siarpom tvaim».

Ja chacieŭ by, kab Anton Rudak znoŭ pačaŭ pisać vieršy.

Ja chacieŭ by, kab aŭtary knih pačali narešcie pradavać FB2. A knihi, jakija vyjšli toĺki ŭ papiarovym farmacie, nie dapuskalisia b ni da jakich premij dy naminacyj. Zaadno chaj by «Haryzont» ci «Viciaź» ci choć by chto vypuścili bielaruski e-reader. Slabo? A ŭkraincam — nie.