Niezaśpiety Viciebsk. Niedabita-staražytny i tramvajny.
Siońnia jon imkliva pierajmaje rysy rasiejskich pravincyjnych haradoŭ z papuhajskimi šyĺdami, parkančykami ŭzdoŭž chodnikaŭ, nadziemnymi pierachodami dy kavaj «russiano». Špacyravaŭ pa im nadoječy j laviŭ siabie na tym, što zapliuščvaju vočy i ŭjaŭliaju jaho ci ŭspaminaju. Urešcie vyklikaŭ z smartfona taksoŭku — ź siarpasta-malatkastaj zastaŭkaj, inšych u g̀ug̀laplei nie znajšoŭ. A daliej čakali čatyry hadziny da horadu M. u maršrutcy pad druhasny rasiejski seryjal «Mažor» z rejtynham 8,5 na kinopoiskʼu.
