Ad siońniašniaj navaly pastoŭ i kamentaŭ u abaronu chitrastychijnych maršrutačnikaŭ u mianie cely dzień nie apuskajecca bryvo.
• Ty nikoli nia viedaješ, u jakuju mašynu i na jakoje miesca siadzieš i ci budzie na tym miescy pas biaśpieki i ci budzie jon pracavać. Miesca moža być nad piečkaj, takoje sabie spalučeńnie maršrutki z muĺtyvarkaj, a moža kalia ščyliny ŭ dźviarach.
• Ty nikoli nia viedaješ, ci vyjdzieš z maršrutki. Stupień abarony ŭ jich takaja ž, jak u liehkavika, adno što nichto nie pryšpiĺvajecca. Biliet tabie mohuć dać na sanitarnym prypynku ŭ liesie pasiaredzinie maršrutu, i toje — kali admyslova paprosiš. Kali raptam avaryja, u maršrutcy šancaŭ vyžyć mieniej, čym aŭtobusie. Toj ža adval buĺdozera va Ŭšackim rajonie ŭsparoŭ by ŭ aŭtobusa bahažny adsiek, a nie halavu pasažyru.
• Ty nia možaš pajechać na rejsavym aŭtobusie. Jich zabili chitrastychijnyja maršrutki. Maršrutačniki kažuć, što ŭ jich mižsobku kankurencyja. Aha, štohadzinu ŭ Viciebsk adnačasova z roznych miescaŭ adpraŭliajucca sama mieniej dźvie identyčnyja maršrutki pa adnoĺkavym košcie roznych firmaŭ. Heta značyć, što kožnyja paŭtary-dźvie hadziny z vakzalu moh by adpraŭliacca paŭnacenny aŭtobus! I heta nie teoryja, tak bylo na pačatku 2000-ch, i ja jašče pamiataju, jak liudzi na Maskoŭskim vakzalie prasili ŭ kasie pradać jim kvitok na narmaĺny aŭtobus, chaj pierad jim adpraŭlialasia maršrutka. Alie ŭsio, u 18-m na vybar abo mercedes-sprinter, abo wolkswagen-crafter. Z nastaĺhijaj uspaminaju navat toj LAZ-699 na maršrucie Salihorsk—Viciebsk cieraz Krupki ŭ 95-m, nia kažučy ŭžo pra Setra'u pačatku 00-ch, jakaja jechala da Viciebsku tyja ž čatyry hadziny, što i sučasnyja maršrutki.
• Ty nia možaš uziać vialiki bahaž aĺbo rovar nikudy. U susiedniaj Litvie ŭžo bahata aŭtobusaŭ z rovarnymi macavalkami. A ŭ nas na maršrutki tyja macavalki nijak nie načepiš, jak by ni chacieŭ. I, darečy, ja čamuści nie sustrakaŭ maršrutak ź Viĺni ŭ Klajpiedu.
• Hello, turyst! Ty pryjechaŭ u našu stalicu biez akaŭnta va ŭkantakciku i nie daviedaŭšysia, dzie zialiony plot, adkuĺ adpraŭliajecca Navapolacak, abo ŭniversam, adkuĺ adpraŭliajecca Mahilioŭ? Nu ty i lašara! (Tut u artykulie tabie mapa-quest dlia treniroŭki :).
Razam z tym, maršrutačniki prydumali slušnyja rečy, jakija varta zachavać: padbor na prypynkach pa maršrucie, razvoz pa mikrarajonach unačy, u niekatorych — zručnaje braniavańnie i skasavańnie. Dynazaŭraŭski ticketbus.by nieabchodna terminova pierarabić z nulia, a adkaznych za siońniašniaje strachoćcie nie padpuskać da internetaŭ.
