śviata roku

Сёньняшняя ноч — сьвята року. Я адкрыў для сябе гурт «Тэлевізар», з шкадаваньнем, што так позна, і з палёгкай, што ня ў час маёй юнацкай шчырай нестрымальнай прагі зьмяніць сьвет, у якім належала жыць. З такім гуртом быў бы іншы запал. Так ён хоць стрымліваўся ідэалістычным інтэлектуальным рамантызмам беларускіх рокераў 90-х.

Далей пад руку трапілася спасылка на Палітыку-паралітыку Вольскага, якую загрузіў на аўтамаце, чакаючы чарговага сатырычнага погляду на рэчаіснасьць з-за шыбы папсовага пасату-ўнівэрсалу. А тут — рок! Ды які зубасты! Як ні сьмешна, але не чакаў такога сюрпрызу ад бармэна «Камяніцы». Ёсьць яшчэ порах!

Слухай, а можа часы мяняюцца, як што такія старажылы сталі гэтак вастрыць лёзы песьняў?

І каб жа на гэтым усё! Нешта мяне штурханула паслухаць апошні альбом «Крэматорыя». Таго самага, якога пасьля «Міфалогіі», я думаў, ужо нічога не ўратуе. Ды «Амстэрдам» перабіў усе дзівосы вечара. Бо тут на новым роўні стары пазнавальны «Крэматорый», у якім усьмешкі і пазытыў ткуцца з абяскоджаных цынізмам і гумарам страхаў і забабонаў.

Я ня верыў, што ў старыя мяхі можа заліць новае віно і яно ня стане маркоўна-яблычным сокам, узноўленым хляраванай вадой. І гэта цуд.

А калі могуць яны, то значыць, магу і я.

ciahnik nie idzie

• 01:28:58: людзі з усьмешкаю едуць мэтром далей, чым цягнік не ідзе, на месцах для троляў і варажбітоў, што зоймеш — заберуць твой цень
  
• 22:03:01: Рэйтынг сэрыялу «Тэарэтыкі» на kinopoisk.ru — 1,081. Хто знойдзе меней? http://bit.ly/dcGju8
  

Tweets copied by twittinesis.com

rok žyvie, a ja nia ŭ kursie

Generation.bY напісалі пра выступ гурта «Тэлевізар» у Менску ды так інтрыгоўна, што захацелася пачуць узор творчасьці, а на старонцы не было. Палез на YouTube, і вось не магу зьняць песьню з рэплэю:




Рок жыве, а я ня ў курсе.

Karatkievič znoŭ źmianiŭ prapisku

Цяпер ён стаіць у скверы Косінца Шмырова, калісьці 70-годзьдзя Віцебскай вобласьці, калісьці (і выглядае адначасова з 70ГВВ, як гэта не загадкава) Леніна, калісьці Ўсьпенскім, калісьці Ўзгорскім.

Пра Шмырова, дарэчы, у 1971 зьнялі фільм «Бацька». Цяпер удакладняюць, што Бацька ўсё ж — яшчэ і Мінай.

Дзякуючы перайменаваньню мясьціны, якая мае гістарычную назву, у Віцебску ўтварыўся тапаграфічны палюсізм, — вуліца Шмырова месьціцца на супрацьлеглым канцы гораду. Зь Леніным было больш лякалізавана.

У нас быў цэлы ўрок, прысьвечаны гераізму Бацькі Міная, разьбіралі «Баладу аб чатырох заложніках». Афіцыйнай устаноўкі я так і не зразумеў, але то быў не ліцэй, а ўскраінная школа Віцебску, дык я прамаўчаў, але тады мо ў першы раз падумаў, што школа, магчыма, недзе крывадушнічае.

Трэба, дарэчы, зайсьці спытацца ў музэі, чаму Шмыроў першы з герояў. Бо стратэг? Бо не прыйшоў?

25 Гум-2

• 10:21:21: уяўляю, як маю прыпадачна-рамантычную натуру калбасіла б, калі б я быў сёньня ўкраінцам
  
• 10:31:24: у пантовай казе расхістаныя крэслы шэрагамі, прэстыжная пляцоўка сталіцы, не хухрымухры
  
• 13:02:13: па ліцэйскай завядзёнцы з выпускам адлік не спыняецца. Я ліцэіст з 25 Гум-2. =)
  
• 13:08:05: калі зьмяшаць памаранчавы і блакітны, атрымаецца шэры.
  
• 14:10:53: YouTube не сябруе зь беларускім апострафам (’)
  
• 15:28:21: byfly пайшоў пункцірам
  
• 21:39:47: што каму намагаецца патлумачыць «крыніца» надпісам «пиво соправдное»?
  
• 21:59:34: штось мне ўсім гэтым песьням пра шматабяцальнасьць януковіча ня верыцца, які ўжо быў шматабяцальны малады дэмакрат лукашэнка…
  

Tweets copied by twittinesis.com

Шосты дзень нараджэньня ліцэю, 1996 год

Для падтрыманьня ўзроўню настальгіі ў арганізьме =).

Стужка дайшла да мяне празь ня ведаю якія рукі, і, што значна горш, відэамагнітафоны. Страшна цікава даведацца, хто яе аўтар, і што ён зрабіў з тымі, хто раняў ягоную камэру. =)

Паглядзеў яе і ўзгадаў атмасфэру нашага залёнага ліцэю, якой да задыху мала аказалася ў «казе» праз 14 гадоў.

Увогуле ёсьць ідэя наступнага разу адпраўляць якога выпускніка з камэрай на афіцыйную частку, а пасьля зьбірацца на якім танцпольна-столікавым месцы, запускаць праектар, знаёміцца адно з адным, баяць байкі й бавіць час. Салісты, гітарысты, праграмісты, раварысты — да раніцы дарвацца да мікрафону дасьць рады кожны =).



Генадзь Пальчык цяпер дырэктар Нацыянальнага інстытуту адукацыі, Мікалай Кныш — дырэктар 118-й школы, Уладзімір Куліковіч быў галоўным рэдактарам «Роднага слова», напісаў карысных кніжак па мове. Дзе цяпер — ня ведаю. Кныш, перш як сысьці зь ліцэю, крута разьвярнуў мой лёс, пераканаўшы мяне ўпёртага пайсьці на філфак замест журналістыкі, пра што я ні разу не пашкадаваў.





У шумным натоўпе па дарозе зь зялёнага ліцэю ў новы, дзесяць гадоў таму, склаліся такія рыфмы:

Мы гады, як гарэхі, лускаем,
запіваючы півам вопыту.
Выбіраем мы сьцежкі вузкія,
каб вялікай зрабіць дарогаю.
Не баімся халодных плыняў мы
акіяну жыцьця бязьмежнага —
мы зь ліцэйскай рачулкі выплылі,
значыцца, мы плыўцы найлепшыя.
А калі сьвет калючым станецца
і зьнявераць наўдачы прыкрыя,
мы пагрэцца штораз вяртаемся
на знаёмы нам адрас выраю,

і нешта я ўжо тады складаў і баяўся адчуваньня, што пазьней ім, такім, скласьціся ня ўдасца. Літаральна праз пару месяцаў зь дзьвярэй новага «адрасу выраю» мяне завярнуў ахоўнік.

Ну але на дваццатніку ліцэю выкладчыкі казалі, што дух ёсьць, хай і запёрты ў харомах. Хочацца верыць. І праўда, не па «казе» ж яму лётаць...

Увесь запіс — 50 хвілін — з сольнай самадзейнасьцю і бонусам у спартовай залі з танцам белых лебядзЁЎ — на mediafire.com, wmv, 134Mb.

deppooo

• 00:40:36: дастаў ліцэйскі відак, ну і інтэр’ерчыкі, БЧБ над дошкай і адраджэнскія постэры па сьценах, ясна цяпер, чаму ліцэй уцёк у дом настаўніка.
  
• 01:14:24: Дваццатнік ліцэю. Упершыню пачуў небеларускую мову ад Калевіч і Мецеля.
  
• 01:16:18: ну ні фіга сабе супадзеньне, знайшоў дыск з 6-годзьдзем ліцэю. Рэчавы доказ таго, што трава была зелянейшаю, а жарты сьмя(л)(шн)ейшымі.
  
• 01:18:27: «машына ідзёт в дэ-пп-п-о, в дэп-п-п-оооо ідзёт машына». ну хто цяпер зразумее гэты ржачны жарт. я акрыйваю паціху. Ух!
  
• 21:34:27: RT @franakviacorka: Мінабароны замовіла Інстытуту мовазнаўства Акадэміі навук пераклад усіх вайсковых статутаў на беларускую мову!!!
  

Tweets copied by twittinesis.com

vychad na pravy bok u adnu raku dvojčy

• 01:31:52: на 7-м годзе карыстаньня падумаў абнавіць сваю CDMA-трубу, а тут пішуць, што самому апэратару хутка труба і тэлефон няма на што мяняць.
  
• 03:09:15: што засмучае, дык што да самай малінаўкі ня будзе ніводнай станцыі з выхадам на правы бок
  
• 03:44:31: ня ведаю, як цяпер, а калі ліцэю БДУ было ня 20, а 10 гадоў, ён быў нашмат круцейшы за сам БДУ.
  
• 22:33:36: засумаваў ды занудзіўся на ліцэйскім 20-годзьдзі
  
• 22:51:03: хацелася б нечага танцпольнага з вольным мікрафонам, слайдамі тых фотак, трындзяжом і знаёмствамі, а ня смторасамадзейнасьці ў пантовай казе
  
• 22:55:44: ліцэйскі дух выпараецца пры кожным вымаўленьні фразы «наше учреждение образования»
  

Tweets copied by twittinesis.com

bahaty ŭnutrany śviet

• 01:05:09: знайшоў забаўны падкаст зь «ярыкам крывым» ангельцам пра беларусь http://bit.ly/bZwn2W, згадаліся школьныя тэмкі на завучваньне =).
  
• 01:18:30: паказьнікі курсаў у банку з лэйблам інтэґралу, збоку дзьве вялізныя кнопкі, акурат ля акенца, амаль пад лакцём.
  
• 01:20:32: па космасе Screamers, таксама фільм-спэцэфэкт. Усяго 15 гадоў, а ўжо такая лажа.
  
• 12:52:42: інструкцыя па апґрэйдзе на сайце BBK, п.1: «Спампуйце праграму Nero»
  
• 16:52:12: пра шаноўных пасажыраў часам хочацца рабіць рэпартажы — у людзей, якія стаяць у дзьвярах, а не выходзяць, мусіць быць багаты ўнутраны сьвет
  

Tweets copied by twittinesis.com

Muzyka

Калі майго брата пры канцы школы спыталі, чым ён хоча займацца ў жыцьці, ён адказаў — музыкай.
З улікам таго, што ніякіх музычных школ за плячыма й увогуле намёкаў на гэткі паварот падзей — усе былі ў шоку й усяляк адгаворвалі.
І я, сталічны цынік, таксама круціў носам, маўляў, як гэта так, з бухты барахты ўзяць ды заняцца музыкай.

Але брат ухапіўся за колісь падораную мне і мной забытую гітару і што ты думаеш, рызыкуючы трапіць з іспытаў проста ў боты — паступіў быў у музычную вучэльню, скончыў і цяпер выкладае ў музычнай школе. І не пытайся ў мяне, колькі ў той музычнай школе плацяць заробку, або якую кар’еру можна зрабіць у абласным цэнтры з гітарай у руках, бо ўсё адно гэта не заглушыць маё пачуцьцё добрай творчай ды жыцьцёвай зайздрасьці. Я ж так, бляха, не магу!..

padkaścieĺcy

• 13:34:44: Што я магу сказаць на гэту тэму http://bit.ly/94jtt7 — http://trunc.it/58bhu!
  
• 23:16:47: Вазоўнікі заснавалі, хто займаўся вазамі, Бортнікі — хто пчоламі, Дойлідкі — хто будаўніцтвам, Агароднікі — хто гародамі, Падкасьцельцы…
  
• 23:33:25: 2012 — во гэта я разумею спэцфэктнае кіно, чысты атракцыён, бух! плясь! не адарвацца ня тое што аватар зь няўцямнымі спробамі сэнасавасьці.
  

Tweets copied by twittinesis.com

2012

Фільм — вачэй не адарваць, бух, бах, бэмсь! Столькі эмоцый! Я б сказаў — адныя эмоцыі! І толькі спробы дадаць у гэты відовішчны лёгкі кактэйль драбінкі сэнсу, а то й сэнтымэнтальнасьці трошку псуюць уражаньне. Але, відаць, яшчэ не навучыліся рабіць фільмаў з суцэльным спэцэфэктам без блаблабла-балясту.

Радасьць вачам, адпачынак галаве. Атракцыён на канапе. Бляск!

From Twitter 02-03-2010

• 14:00:52: Файнае відэа ад Алеся Кудрыцкага пра самых сьпешчаных птушак сталіцы =))
  http://youtu.be/n-Qb3AAgkWU
  
• 19:40:40: калі на кастрычніцкую куплялі дадатковы эскалатар, таксама казалі, што тузаніны будзе меней.
  

Tweets copied by twittinesis.com