на асфальту цэлюлітнай цьвердзі
ўспухлым флюсам скрыўленага кола
я ня буду выціскаць крамзоляў
ровар прыпаркую ў кош для сьмецьця
і пайду блудзіць у пераходах
і старацца стацца незаўважным
для жанчын у жоўтым камуфляжы
ззаду ў набрынялых грамаходах
вірусам у арганізм грамадзкі
уварвацца і
адаптавацца
зьнівэліявацца
сьціхарыцца
бы біфідафлёра распладзіцца
і чакаць у экстраных навінах
заканчэньня тэрміну Адміна