Čamu ja nia staŭ wikipedystam

Ideja voľnaj encykliapedyji fajnaja. Alie mnie adrazu nie davala spakoju:
1. čamu treba svoj tvorčy darobak addavać na voliu dy samadurstva dziadziek na jinšym kancy ziamli?
2. marnatraŭny farmat “usie pra ŭsio”, kali stvarajucca nia toľki artykuly na ekskliuziŭyja bielaruskija temy, alie j na temy, vyčarpaľna raskrytyja ŭ bielaruskich encykliapedyjach. Razam z tym, bylo šmat pierakladnych artykulaŭ, a bielaruskich źjavaŭ brakavala.
Mnie zdavalasia boľš darečnym, kali b na pryncypach wikipedyji stvaralisia novyja, u tym liku amatarskija, u tym liku niapoŭnyja artykuly, a jisnyja encykliapedyčnyja artykuly byli b aličbavanyja i źmieščanyja na bielaruskim infarmacyjnym partalie, pravobrazam jakoha jość slounik.org.
Pry hetym analiagičnyja artykuly mahli b źjaŭliacca i ŭ “narodnaj” encykliapedyji, alie biez pretenziji na navukovaść i aŭtarytetnaść i z paznačeńniem aŭtarstva (adpaviedna i biez vajny pravak), što zusim nie prymianšala b jich značeńnia. I hetuju “narodnuju encykliapedyju” ja taksama bačyŭ jak raździel bielaruskaha daviedačnaha partalu.

Što da jisnaj wikipedyji, dyk tut ja zgodny z mirritilam. Jana vydatna realizavalasia jak anglamoŭny resurs, jakim toľki i jość sens karystacca. Astatnija kucavatyja encykliapedyji majuć sprečnuju kaštoŭnaść adno dlia tych, chto nia viedaje Englishu.

Alie akurat dlia svajich liudziej na svajoj movie musić być svaja i wikipedyja, i encykliapedyja, i jinšyja daviedačna-infarmacyjnyja materyjaly.

I akurat ulasnamu bielaruskamu prajektu ja b bačyŭ sens addavać voľny čas.