Usiebielaruskaje abrazańnie abo apaliogija radyjokropki

Nie adkliučaj mianie, nacyjanaliścičku, ja tabie jašče pryhadžusia.

Sajt Dziedziča vydaŭ kreatyŭ: 15 sakavika treba ŭzuać pašpart, pajści da suviazistaŭ i napisać jim zajavu, kab jany adkliučyli ciabie ad radyjokropki. Heta liohki i prosty sposab pazbavicca ad brachučaj prapagandy i puścić pabiracca pa śviecie naščadkaŭ Niny Čajki. Potym zastaniecca adno dačakacca dziadźku-abrezčyka, jaki vykalupnie hetuju zarazu ź ścienki, jak puchlinu. Dadatkovy bonus: žyroŭka za nastupny miesiac paliahčeje až na 460 rublioŭ!

Adrazu kidajecca ŭ vočy košt pytańnia. Kab toľki dajechać da suviazistaŭ i nazad, daviadziecca patracić stoľki, što možna bylo b apločvać hetuju radyjokropku nie adzin miesiac. Dy heta nie haloŭnaje. Tut ža sprava pryncypu! Radyjokropka — heta ž adzin negatyŭ, adna prapahanda, adno pramyvańnie mazgoŭ.

Dyk čamu ž nie pajechać?

• Pa radyjokropcy bahata raznastajnych pieradač, u tym liku kuľturnych, litaraturnych, muzyčnych, moŭnych i h.d.
  
• Ulady mianiajucca, radyjokropka zastajecca.
  Nikoli nie zabudu, jak sluchaŭ tranśliacyji z parliamentu ŭ 90-ja, kali najvažniejšyja rašeńni ŭ stanaŭlieńni krajiny prymalisia ŭ žyvym radyjokropkavym etery. A zusim niadaŭna, pierad miascovymi vybarami, pa radyjokropcy vystupaŭ Vincuk Viačorka.
  
• Pa radyjokropcy pieradajuć pragnoz nadvorja — kalia 70 razoŭ na dzień.
  
• Pa radyjokropcy pieradajuć sygnaly dakladnaha času. Karysna naladžvać budziki i hadzińniki.
  
• Kali zhasaje śviatlo, adkliučajecca kamputar, sadziacca batarejki, radyjokropka nie pakidaje ciabie na samocie.
  
• Radyjokropka — heta suceľny ekskliuziŭ. Pa joj možna pačuć toje, čaho nie pačujieš nidzie na FMie.
  
• Radyjokropka — heta krynica infarmacyji. Navat z prapagandy možna rabić slušnyja infarmacyjnyja vysnovy.
  
• Radyjokropka — heta nie adzin kanal, jak vam zdajecca. Pa joj pieradajucca try, a dzie i piać stancyj, siarod jich “inteligientny” kanal Kuľtura. Kab jich prymać, patrebny specyjaľny trochpragramny prymač, jaho možna znajści ŭ kramach. Pierad hetym treba zakliučyć dadatkovuju damovu z suviazistami.
  
• Adno z pryznačeńniaŭ radyjokropki — abviaščeńnie pra nadzvyčajnyja zdareńni i pavietranyja, chimičnyja dy jinšyja tryvohi. Chaj heta nas abminie, alie kali raptam što jakoje, hetaja dziurka ŭ ściency vieľmi prydasca.
  
• Radyjokropka — adno ź niamnohich, chaj častkova, alie bielaruskamoŭnych radyjaŭ. Razmaŭliaj pa-bielarusku chacia b sa ścienkaj svajoj :).
  
• Radyjokropka — heta čaścinka majho dziacinstva. U vioscy pad jaje my pacichu pračynalisia, zdajecca, jana tam uvohulie nie ścichala. Što b sa mnoj stalasia, kali b strach pierad radyjokropkaj mieŭ padstavy? Darečy, zvyčka pračynacca pad radyjo zastalasia ŭ mianie i dahetuľ.