FM-reabilitacyja

Paślia razhromu Styľ-radyjo dy 75% haŭnapopu ja ŭžo dumaŭ, što jamu ničarta nia śviecić.
Spytajsia, navošta tady braŭ mp3šnik z prymačom, a nia kuľtavy iPod?
Nadzieja nie pamiraje, navat kali robić vyhliad, što cipa skanala apošniaj.
Takim čynam, spravazdača.
Učora, u piatnicu, 2 sakavika, byŭ zasluchany šykoŭny eter Unistar. U samy prime-time: 19.00-20.00! Hučala vykliučna pryjemnaja, miakkaja, viačerniaja muzyka. Hetkaja terapija dlia daroslych ź pierachodam u kalychanku. Telievizar nervova šareŭ u kucie ad hukaŭ De-Phazz i Jazzamore. Dahetuľ nie mahu pavieryć, što takija rečy stajać na palicach bielaruskich FM-stancyj. Heta ž jaki patencyjal tam dremlie!

A 23-j byla kliubnaja Načnaja lichamanka.
Viadoŭca dźmuŭ u mikrafon, raskazvaŭ pra zlačnyja miaściny, giejaŭ dy jinšuju niefarmatnuju kramolu.
Hučala ladna źlieplienaja, nieagresiŭnaja muzyka. Nia viedaju, jak jana ŭsprymajecca apoŭnačy, zrańnia ž stvarala dobry nastroj i fon dlia pracy, niahliedziačy na brydkuju tumanovuju zaviesu na dvare.

Zrešty, unačy ŭsio ŭsprymajecca telierantna. Pamiataju, niejak a 1-j hadzinie sluchaŭ pragramu Svabodnaja volia eliektronu ź minimalistyčnaj eliektronikaj. U ciemry niešta buľkala, uschlipvala i pikala, i heta reaľna ŭstaŭliala!

Ot siońnia unačy dyliema: u adzin i toj samy čas buduć iści Načnaja lichamanka i Massa Brutto.
Massa Brutto — heta strašnyja patlatyja dziadźki, jakija chrypiać, ryčać, vieraščać i mučajuć gitary. Cikava, praŭda? Treba toľki vykliučyć śviatlo.

śpis FM-cikavostak u tekstavym i tabličnym vyhliadzie