Blog Prezydenta

Niejak u Liublianie ja padymaŭsia na Šmarnu goru (šmarna — heta implikacyja slovazlučeńnia “śviatoj Maryji”). I ŭvieś čas, pakuľ ja išoŭ, minaki-slaviency pryvietna vitalisia: “Dobry dzień!”. Heta bylo niazvykla i pryjemna. Praz čverć hadziny ja ŭžo sam radasna ŭśmichaŭsia i “zdaroŭkaŭsia”. Z adnym padarožnym ja navat razhavaryŭsia. Jon raspavioŭ mnie, što heta papuliarnaje miesca adpačynku liubliancaŭ, i što kožnuju ranicu na Šmarnuju haru padymajecca prezydent krajiny Milan Kučan. Pieški, adzin i biez achovy. I hetaksama vitajecca z slaviencami-fizkuľturnikami, pensijanerami i turystami: “Dobry dzień”. I nia kožny taki jolupień-turyst navat zdahadajecca, što hety mužčyna ŭ šortach i majcy — prezydent Slavieniji.

Ciapieraka ŭ Slavieniji za prezydenta Janez Drnovšek. Nia viedaju, ci dazvaliaje jamu zdaroŭje rabić ranišnija prabiežki, alie “svojskija” tradycyji jon praciahvaje. Adno ź śviedčańniaŭ — jahony blog, napisany tak, što kali nia viedaješ, to j nie zrazumieješ, što heta piša pieršy čalaviek dziaržavy.

«Vieľmi časta prajaždžaju ŭ Liublianie mima domu, na ścianie jakoha napisana; “NATO — heta ŭzbrojenyja sily kapitalu”. Hetaje grafici navialo mianie na čarhovy rozdum pra NATO i jahonaje značeńnie».

Ujaŭliaju, jedzie Lukašenka pa Viaśniancy, a pad mostam nadpis “Sajuz Rasieji j Bielarusi — padstupnaja akupacyja”, napryklad. Koľkim čynoŭnikam dastaniecca na arechi pa pryjeździe, na koľki hadoŭ u jakuju kalioniju sašliuć aŭtara grafici? A kali toj samy nadpis jon pabačyć u dryhi raz, to ci nia budzie heta ŭžo niešta blizkaje da antydziaržaŭnaj zmovy?

«Praminuli śviaty, i bahata chto moža ciapier adpačyć. Nie ad śviataŭ, a ad petardaŭ. Siolietnija śviaty byli sapraŭdnaj orgijaj saliutaŭ i biaskoncaha buchańnia petardaŭ dy jinšych padobnych prystasoŭkaŭ. Šmat dzie heta pačalosia ŭžo pierad Kaliadami i skončylasia paślia Novaha hodu. Bahata liudziej chacieli spakoju, adnak nie mahli nidzie schavacca ad varjackacha buchańnia. …
I uvohulie što za vialikaja zabava hetaje puskańnie petardaŭ dy rakietaŭ?…
Kali ja na Kućciu naviedaŭ addzialieńnie chutkaj dapamohi ŭ Kliničnym centry ŭ Liublianie, mnie skazali, što, jak zvyčajna, najboľš traŭmaŭ čakajecca ad petardaŭ.»

Sytuacyja ŭ bielaruskich umovach nieŭjaŭliaľnaja ŭ pryncypie. Lukašenka nia moža zasnuć ad petartdaŭ dy saliutaŭ! Fantastyka!

Jak nieŭjaŭliaľnaja sytuacyja, što Lukašenka zaviadzie sabie svoj blog, i vykazvańni ŭ jim nia buduć traktavanyja jak zahady na likvidacyju ciaham sutak, i ŭ jim buduć prymacca kamentary, i ŭ niezyčlivych kamentataraŭ nia buduć kanfiskoŭvać systemnyja blioki (razam z kamentatarami).

Dzielia hetaj nieŭjaŭliaľnaści, dzielia hetaj anamaliji i komplieksu niepaŭnavartasnaści dziaržaŭnaha ladu ŭźnikajuć u siecivie sarkastyčnyja blogi ad imia Lukašenki, blogi-śviedčańni našaj biezdapamožnaści, blogi-śviedčańni nienarmaľnaj kuľtavaści asoby, jakaja musila b być prosta nami abranym, naniatym to bo, čynoŭnikam.

Čytajučy blog Drnovšeka, zhadvajučy prabiežki Kučana, ja ŭspaminaŭ znakamityja ŭžo na ŭvieś śviet slovy: “Heta toje, što adpaviadaje [majmu] ŭjaŭlieńniu pra dziaržavu i roliu ŭ joj prezydenta”.