Ja — pieršy siarod slaviencaŭ u LJ

Na zapyt «livejournal slovenija» Google trecim vynikam vydaje maje «pra dukty». Što za cud?

Kaliśći na dośvitku svajho bloggingavaha, čytaj — livejournalaŭskaha, dośviedu ja marna sprabavaŭ znajści sabie ŭ LJ slavienskamoŭnych frendaŭ. Slaviency, jakich u LJ pa statystycy za šeść sotniaŭ, uparta chavalisia, a ja trapliaŭ spres na anglamoŭnych kasmapalitaŭ dy gejmeraŭ-padšyvancaŭ. U boľšaści ź jich koľkaść frendaŭ krucilasia kalia dziesiaci, časapisy abnaŭlialisia aby-jak i čytać u ich nie bylo čaho.

Tady ažno źjavilasia sensacyjnaja dumka, što slaviency blogaŭ nie viaduć zusim. Pa-pieršaje, koľki tam hetych slaviencaŭ, dyj navošta jim— voľnyja medyji, kučy prajektaŭ, cioplaja zima, rovarnyja ściežki, grafici, hory, lyžy, funikuliory, piačory, mora — kali ŭžo tut čytać frendstužku?

Niaciažka zdahadacca, što ja prosta nia tam šukaŭ.

Slaviency abrali jinšy blogaśviet. Tudy časam adliatajuć i bielaruskija blogiery. (Voś, hliadzicie, paliacieŭ).

U jich papuliarny Blogspot, Wordpress, svaje blogavyja partaly, napryklad, Blogos i SiOL.

Vychodzić, slavienskija blogiery žyvuć na chutarach, a bielaruskija — u kalchozie imia Live Journala. Takija adzinadušnaści nacyjanaľnaha maštabu budzać ćmianyja sumnievy i padazreńni. Chto z nas čaho nie dahaniaje?

U chutaroŭ jość svaje kataliogi. Aproč rejtyngaŭ pavodlie papuliarnaści, blogi sartujucca i pavodlie daty apošniaha abnaŭlieńnia. Jość taksama staronka apošnich zapisaŭ i apošnich kamentaroŭ va ŭkliučanych u kataliog dziońnikach. Pieraborlivym zastajecca ŭtočvać upadabanyja blogi sabie ŭ rss-čytnik.

Zatoje slavienskija blogi z-za svajoj adasoblienaści boľš vyhliadajuć na niezaliežnyja prajekty.

I ŭsio ž, staroje pytańnie zastajecca niavyrašanym: čamu slaviency družna ihnarujić LJ z usimi jahonymi pieravahami, zamaročkami dy šalienstvami?

A taksama paŭstaje novaje: dzie musiać zavodzić blogi vybitnyja asoby: u LJ-kalchozie ci na asobnym chutary?