dyskusija Kurajeva z radyjokropkaj

Pryjemna paślia tydniu tekstaŭ natknucca na spažyŭnaje čytvo.
Akramia taho, što Andrej Kurajeŭ dobry aŭtar, jon jašče j razumny čalaviek.
Razumnaha čalavieka i dobraha aŭtara pryjemna čytać niezaliežna ad prynaliežnaściaŭ.
«

• Darečy, religija, jakoj nia služać, a jakuju “spažyvajuć” — heta jakraz i jość “prymchlivaść”.



• Pakidaju ŭbaku pytańnie pra “nacyjanalizm”: jon ža byvaje vieľmi roznym. Jon byvaje stvaraľnym, natchniaľnym, a byvaje niebiaśpiečnym i kryvavym. A ŭžo nakoľki roznaj byvaje religija (i jejny źmiest, i jejnaje pieražyvańnie)…



• Nihilizm — heta ucinańnie bahaćcia i šmatstajnaści čalaviečaha byćcia dzielia adnaho jaho vymiareńnia. Byvaje nihilizm religijna-askietyčny. Maŭliaŭ, toje, što nie prapisana i nie pradpisana ŭ našym śviatarnym statucie, nia musić mieć prava na isnavańnie. Alie jość nihilizm scyjentyčny, jość nihilizm filiazofska-materyjalistyčny. I nia hetkaja ŭžo vialikaja roźnica, u jmia čaho i čym ciabie admaŭliajuć: knihaj aľbo vohniščam, kamputaram aľbo kancliagieram!



• Jak nieľha mierkavać pra mahčymaści žyvapisu pa rośpisach u sanatoryjach, a pra darunki muzyki — pa karčomnych trynkańniach, tak i pra religiju nia varta mierkavać pa vypadkovych spadarožnikach u ryzach.



• Atejisty, što haniać unutrany lad manaskaha rablieńnia, padobnyja da znaŭcaŭ darožnaha ruchu, jakija ŭvažajuć, nibyta biaśpieka zabiaśpiečvajecca toľki źniešnimi znakami.

»
Krynica: Carkva

Što da dyskusiji, dyk mnie padajecca, što jana idzie na roznych uzroŭniach: čalaviek-tranśliatar Rubinaŭ i čalaviek-myśliar Kurajeŭ.
Vynik hetaj paliemiki budzie taki samy, jak by sprabavaŭ niešta davieści radyjokropcy — radyjokropka pieramoža.

Nieľha nie zaŭvažyć, alie čamuści nie zaŭvažana, što BPC svajoj publičnaj zhodaj na druhija, kali nie absluhovyja, roli ŭ struktury bielaruskaha režymu, a taksama (a mo i najpierš) samim faktam ubudavanaści ŭ režym, sama stvaryla sabie imidž systemnaha resursu ŭlady, jakim možna rasparadžacca “na ŭlasnaje hliedžańnie”.